Pol Wagawa පොල් වගාව

 

දේශීය පරිභෝජනය සදහා ඈත අතීතයේ සිටම පොල් වගාව පැවති නමුත් එය වානිජ බෝගයක් ලෙස ව්‍යාප්ත වූයේ යටත් විජිත පාලන සමයේ දී ය.

පොල් වගා ව්‍යාප්තිය:

කොළඹ, කුරුණෑගල හා හලාවත යන නගර සම්බන්ධ කරන පොල් ත්‍රිකෝණය නමින් හදුන්වන කලාපය ප්‍රධාන වගා ප්‍රදේශයයි. රන්න, මිද්දෙණිය, තංගල්ල ආශ්‍රිත  ප්‍රදේශය සුළු පොල් ත්‍රිකෝණය ලෙස වැදගත් වේ.
ඒ හැර කොළඹ සිට තංගල්ල දක්වා වෙරළබඩ පටු තීරයක් ඔස්සේ ද මඩකලපුව හා යාපනය අර්ධද්විපයේ ද වියළි කලාපයේ භූගත ජලය ඇති  ප්‍රදේශවල ද සුළු වශයෙන් වගා කෙරේ.


බලපාන සාධක:

  • උෂ්ණ තෙත් දේශගුණයක් පැවතීම.
  • 20-27 (සෙල්සියස්) දක්වා උෂ්ණත්වය.
  • වාර්ෂිකව 2000mm - 2500mm අතර පැතිරුණු වර්ෂාපතනය.
  • 300m ට වඩා පහත් බිම්.
  • ලුණු මිශ්‍ර වැලි පසක් තිබීම.
  • මිනිස් ශ්‍රමය.

 

ප්‍රවණතා:

  • පොල් පර්යේෂණ ආයතනයේ කටයුතු පුළුල් කිරීම.
  • උපදේශන සේවා පුළුල් කිරීම.
  • ගෙවතු වගාවක් ලෙස සහනාධාර යටතේ පොල් වගා කිරීමට ජනතාව පෙළඹීම.
  • පොල් ඉඩම් වල අතුරු බෝග ප්‍රචලිත වීම.
    • අන්නාසි
    • කෝපි
    • කෙසෙල්
    • ගම්මිරිස්
  • නිෂ්පාදන විවිධාංගීකරණය.
  • වගා ණය ලබා දීම.

 

ගැටළු:

  • අඩු අස්වැන්න.
  • පළිබෝධ හා කෘමි උවදුරු.
  • පොල් ඉඩම් කැබලි කර විකිණීම.
  • දේශගුණික බාධා.
  • දේශීය පරිබෝජනය වැඩි වීම නිසා අපනයනයට ඇති ප්‍රමාණය අඩු වීම.
  • පොල් නිෂ්පාදන වලට ආදේශක වෙළදපොලට පැමිණීම.
    • එලවළු තෙල්
    • ෆාම් තෙල්
  • පොල් වගාව නැංවීමට රජය ප්‍රමාණවත් අනුග්‍රහයක් නොදැක්වීම.

 

නංවාලීමට ගෙන ඇති පියවර:

  • අලුතින් පොල් වගා කිරීමට සංවර්ධන යෝජනා ක්‍රමයක් හදුන්වා දී ඇත. එය කප්රුක ආයේජනය ලෙස හැදින්වේ.
  • මේ යටතේ පොල් වගාව, අතුරු වගාව, වාරි මාර්ග, ගොවිපල යාන්ත්‍රීකරණයට ණය ක්‍රම හදුන්වා දී ඇත.
  • පොල් වගාකරුවන්ගේ ආදායම වැඩි කර ගැනීමට යටි වගාව හදුන්වා දී ඇත. එම ඉඩම් වල පැෂන්, කෙසෙල්, ගම්මිරිස්, බුලත් වගා කිරීමට රජය ආධාර ලබා දීම.
  • වර්තමානයේ පොල් නිෂ්පාදන පදනම් කොට ගෙන විවිධ ද්‍රව්‍ය සැකසීමට පියවර ගෙන ඇත.
    • පොල් පවුඩර්
    • පොල් ක්‍රීම්
  • ලුණුවිල පිහිටා ඇති පොල් පර්යේෂණාගාරය මගින් වැඩි ඵලදාවක් ඇති පොල් විශේෂ හදුන්වා දීම. (පටක රෝපණය මගින්)
  • පොල් වගාවට වැළදෙන වසංගත රෝග අවම කර ඒවා මර්ධනය කිරීමට විවිධ පියවර ගෙන ඇත.  

 

ආශ්‍රිත කර්මාන්ත:

  • කොප්පරා (කපාපු පොල්)
  • පොල් තෙල්
  • විනාකිරි
  • කොහු කර්මාන්තය
  • ගෘහ භාණ්ඩ සෑදීම
  • නොයෙකුත් ආහාර වර්ග සෑදීම
    • ටොෆි
    • බිස්කට්
    • අලුවා
  • වියළි පොල් කිරි නිෂ්පාදනය